Lo PNors

PNOrsUn poria dire que lo PNOrs es pas mòrt perque quilha encara, mas degun a pògut scientificament verificar queu darrer punt. Lo PNors viu dins un monde ente l’Occitania es una nacion independenta, dirigida per los Nissarts e bessonada emb Israel. Lo deliri de l’atge, segurament.

Lo Libernors

LibernorsLa Revolucion es una chausa seriosa, mas manifestar sens aver begut un còp, quò, quo es pas serios. Lo Libernors pensa que lo pais serà sauvat quand i aurà daus bars a chasque canton de charriera e bastis un project de colcòz e de cava cooperativa autò-gerits per sauvar la Losèra de la desertificacion. Los autres pensen que lo Libernors es nonmas un bandaire comunista. Question de punt de vuda, segurament.

Lo Felinors

Felinors

Lo Felinors figura desjà dins lo recòrd mondiau de la mai lonja siesta (mai de 150 ans !). Fau dire que lo banquet que l’a precedida valia quauquarren. Lo Felinors espera enquera que Frederic Mistral li apareisse en raibe per li dire que far, sens resulta per lo moment. Aquò dich, quò fai un moment que degun a verificat qu’era plan en trin de durmir e que s’era pas estofat dins son som emb un òs dau jau bulhit de la darriera Sent-Matuvist a Tralut-sus-Argença.