Coratge

Coratge

Sei tombat per ensard sus quela plancha que ven de http://mentirinhas.com.br/, un site de dessenhs umoristics brasilencs. Estranhament quo m’a trucat perque avia ‘gut enveja de far una plancha tot plen similària i a quauques temps, mas io sabe pas dessenhar…me sei donc contentat de revirar lo dialògue en occitan.

Los deliris recreatius

Hey, i a una entrevista de mon conàs de colòc sul Jornalet. Per parlar de qué ? Ben de South Park, ten, de qué d’autre !

L’i ditz un fum de conarias, al mitan de causas mai « ça va quoi ». Podètz legir aqui, o pas, fasètz coma volètz, sètz liures :

http://www.jornalet.com/entrevista/2921/los-deliris-creatius-son-fachs-per-esser-seguits

Hestiv’òc o Fiestañol ?

Ongan, soi anat me perdre del costat de Pau per Hestiv’òc. Faguèri un papièr sus l’Estivada ja l’an passat, amb ma pluma qu’es, coma cadun sap, potonorsesca, alara per equilibrar fau lo festenal òc de Pau. Puèi, s’ai lo temps e se lo programa me tempta, farai benlèu Occitània a Tolosa un d’aquestes jorns…

Es encara sul Jornalet que tot se passa :

http://opinion.jornalet.com/tristan-gahus/blog/641/hestivoc-o-fiestanol

E coma se ditz en Bearn : « Olé ! »

Doctors de Trou-bas

A ieu, m’agrada Doctors de Trobar. Es fresc e novèl, per de musica occitana, fa plaser. Coma lo projècte m’interessava, lo seguissi dempuèi la debuta, e ai poscut, pro lèu, ne far un article-critica pel Jornalet.

http://www.jornalet.com/nova/1137/de-sicart-a-biggie-lo-retorn-dei-doctors-de-trobar

A ieu m’agrada la critica, la vertadièra vòli dire. Es pas forçadament negatiu, es sasir a ajudar a far sasir lo contèxte de creacion d’una òbra : perque, coma es estada facha. Es pas sonque botar una etiqueta qualitativa, quitament s’es importent, es tanben de mediacion. Aqui per exemple, per Doctors es necessari de parlar de las originas del projècte, de l’enveja que i a darrièr, de la cultura musicala que i a darrièr, que los occitanofònes son pas forçadament d’afogats de hip-hop e mai siague un genre fòrça representat. L’invèrsa seriá tanben interessat : far descobrir al public hip-hop lo hip-hop occitan e l’explicar. Mas soi pas ieu qu’o farai aqueste còp !

Anem, del ròtle de la critica, vos en tornarai parlar…