Aqueu motiu es tanben disponible sus daus afars de ma botica !
Tag Archives: vestits
Bertran de Born to be Wild
Aqueu motiu es tanben disponible sus daus afars de ma botica !
Save the Kakapo
Lo kakapo es una de las bèstias que mai m’agradan del monde sancèr. Es un papagai de Nòva Zelanda qu’a de particularitats plan colhas, coma aquela de pas poder volar (es tròp pesuc per çò que sos òsses son plens), de pas èsser tròp polit (son plumatge es vèrd mèrda d’auca amb de plumassas jaunas e negras e un bèc que sembla un pauc un viech), d’ensajar de s’amistosar amb tot çò que passa, predators tanben, e de voler a tota fòrça bicar tot çò que passa, predators tanben encara un còp. Per contra, per se reproduire es un sistèmi tant complicat (li cal manjar d’una frucha especiala, èsser dins de bonas dispausicions fisicas e mentalas, èsser al bon endrech…) que lo kakapo es a l’ora d’ara menaçat grèu, a tal punt que ne demòra pas que 126 especimens, totes chafrats d’un pichon nom per la comunautat de scientifics que los susvelhan dins de reservas fachas exprès per eles. Ai doncas decidit, per la simpatia qu’ai per aquel aucèl, de m’engatjar dins la lucha per salvar los kakapos e perpausi doncas primièr aquel visual, d’estampar coma se dèu sus una kakamiseta.
Hi, dear kiwi friends ! This design from Occitany and the PPP (País Polit dels Potonors, aka Nice Country for Care Bears) assures you of my total support in the battle for the protection of the Kakapo. A few researches about this bird made me think of how it was so useless and, from then, so essential. Feel free to use this image, print it on shirts or else…
Save the Kakapo ! / Salvatz lo Kakapo !
Coolha !
Coolha ! Lo ben nomenat. Los qu’èran nascuts en 96 auràn reconegut la ganacha de Coolio, un pauc adobada a la sauça occitana per l’ocasion. Ara, cal imaginar aqueste visual sus un eslip/boxer, qu’es la plaça que merita, evidentament, si que non es pas risolièr. E se cal doncas, per èstre en adequacion amb l’eslogan, se decontractar la…l’eslip. A la fresca. Fa partida de ma colleccion « hip-oc », mescla de cultura urbana e de cultura occitana.
Supèr Maria
We Are Region
Idèia nascuda del temps de las batèstas a l’Assemblada Nacionala sus las lengas regionalas, en vesent coma èram representats, nosautres que formam pertant 90% de la populacion francesa amb una cultura qu’es pas aparisenquida… I a de causas coma aquò que te fan dire que seràs, fòrça forçat, un Anonime encara qualques temps…
Aquesta creacion es tanben disponibla dins ma botica, sus maites supòrts !
Avètz tanben la version en occitan se volètz :
Droopy was a Lemosin
Dragon Balèti
Sabi pas d’ont aquò ven. L’ai somiat, benlèu ben. Mas vertat que, vist la pausicion e la fiertat afichada per Sangoku, èri OB-LI-GAT de li fotre un acordeon dins las mans. Puèi DBZ m’a jamai agradat. Prenon 107 episòdis per acabar un combat e pòs pas veire que, d’aquel temps, Oliva e Tòm se remontan lor terrenh de foot.
Tortuga Minjar
Ah… sabi pas vos, mas Michelangelo m’a totjorn tustat sul sistèmi. Es immature, inutile, es aquí sonque per la galejada e lo necessari quotà de tortuga amb bandanà irantge e en mai fa lo kéké amb son nunchaku. Mas un jorn un fals moviment, e acabarà coma sul dessenh. Ieu lo mai aimat aquò èra Leonardo. Leonardo es cool, sap tot far.