Tòca-Maneta 12 – L’alegoria de The Cave

The Cave Ban

Dins l’alegoria de la Caverna, Platon descriu una bauma ont viurián los òmes, encadenats, tenguts alunhats del defòra e del solelh, e que coneisson de la lutz pas qu’aquela que fan, artificialament, amb un fuòc que dessenha lors ombras sus las parets. La cavèrna es aquí un simbòl, la representacion del monde, nòstre monde, ont totes vivèm. Pensam qu’aquel monde es lo vertadièr, mas aquò seriá pas qu’una ilusion. Per sortir de la cavèrna, l’environament que reconfòrta mas que limita, i a mestièr de far un trabalh d’aprentissatge, d’acquesir de coneissenças, notadament de sa pròpia persona. La cavèrna es lo monde real, mas es pas la realitat, qu’es en defòra. Mas per accedir a la realitat, la cavèrna deurà servir de laboratòri d’idèias e de miralh de la refleccion e de la coneissença. A cadun serà ofèrta la possibilitat d’un percors iniciatic, cap al l’elevacion e lo melhorament.

The Cave Sovenirs

E ben òc, una botica de sovenirs. Mas finalament, demòra l’endrech lo mens estranh de la Bauma…

Adiussiatz totjorn, chaspaires de maneta e picanhaires de botons, sètz plan dins Tòca-Maneta, e òc, es totjorn una cronica videojòcs e pas filosofia. Mas de còps que i a, los dos se rejonhan. Es lo cas aqueste còp amb The Cave, la cavèrna doncas, pichon jòc independent de l’american Ron Gilbert, lo creator un pauc caluc dels, ara vielhs, Maniac Mansion e Monkey Island. Disi un pauc caluc perque sos jòcs conoissèron lo succès mai que mai per un umor e una concpecion dels videojòcs plan particulièrs, que tornam trobar dins The Cave. La Cavèrna doncas. E se fa lo ligam de biais mai qu’evident amb l’istòria de Platon, es qu’aquela cauna parla, sosca, e ofrís als aventurièrs que vendrián a s’i engatjar d’explorar lo costat lo mai negre de lor personalitat per poder, enfin, sortir a l’aire liure.

The Cave Bessons

Argh. Un dels passatgs los mai afroses del jòc. Ne dirai pas mai, qu’avètz pro d’indicis sus l’imatge. E si que non, trobatz pas qu’aquò sembla a de Tim Burton ?

Vos cal causir 3 personatges demest 7, totes estereotipats e es volgut : un cavalièr, una exploratritz, un scientific, un paisan, un monge zen… A cadun es arribat un daquòs pas tròp polit, an fach de causas pas tròp bravas, e la cavèrna va permetre a cadun de tornar viure, mai o mens, aquel episòdi negre de lor vita, qu’explica perque e coma se son tornats trobar aquí embarrats. Aquela cauna es plan particulara, que las peças ne cambian segon los personatges que s’i riscan : passam de la fieira del paisan, al temple bodista del monge, en passant per lo labò de la scientifica. Lo gameplay servis lo concèpte : son d’enigmas, un pauc classicas, ont cal trobar lo bon objècte que va al bon emplaçament per que se posca perseguir l’istòria. D’aquel costat Ron Gilbert nos aviá acostumat a melhor, mas sentissèm que tot es pensat exprès. Aquel sistèmi un pauc arcaic de jogar buta fin finala a adoptar un òrdre precís per far la causas, un encadenament d’accions que va, totjorn, arribar a reproduire la marrida accion cometuda pel personatge.

The Cave Sauvat

AHAHAHAHAHAHAHAH !!!
Non.
(se sabia, lo paure…)

Pensavam cabussar dins los tresfons de la cauna en cèrca de redempcion mas çò qu’avèm fin finala es l’impression que las marridas accions son inevitablas. Cinisme total e, o cal ben dire, trapèla pel jogaire. Mas trapèla agradiva, d’aquelas que fan soscar, que bòtan un còp al ventre e copan lo buf. Es pro rare d’aver un jòc amb aital dos grasses de lectura : una jogabilitat simplassa, risolièra, portada per un umor (negre) omnipresent e de grafismes cartoon e a l’encòp una refleccion pesuga, seriosa, que contunha a questionar quitament lo jòc pausat. Lo jòc en tant que tal es pas perfèit, notadament dins sa jogabilitat, mas truca, e a ieu me daissèt un gost un pauc amar en boca, coma o sabon far qualques filmes un pauc aital, de la mena Seven o Usual Suspects, l’impression de s’èstre fach menar de longa, coma un cacha-niu. E ieu dempuèi qu’i ai jogat, arribi pas a dire s’es un bon o un marrit sentit…

Evaluacion The Cave

Saucisse-Fusée

Cette nuit, j’ai rêvé que j’étais embauché par la NASA comme scientifique. En effet, ils se sont aperçus que les saucisses Knack Herta® constituaient un matériau idéal pour amortir les fusées à l’atterrissage et ils ont besoin d’un savant calculateur pour déterminer le volume de saucisses Knack nécessaire à chaque fois. Je dois donc réaliser des simulations en labo puis confectionner à taille réelle la cuve à saucisses dans laquelle les fusées atterriront.

Le dépeceur

Hannibal Lectoure, le Dépeceur de melons du Gers, a encore frappé. Cette nuit, c’est bien la totalité de la récolte de Monsieur Moulineau, éleveur de melons de père en fils depuis 2002 qui a été assaillie et proprement égorgée. « Un désastre » répète-t-il. « Cet homme n’a pas de coeur ».
La police maraîchère n’a toujours pas pu remettre la main sur le Dépeceur depuis son évasion spectaculaire de la prison de Frêne, où il avait, c’est encore dans toutes les mémoires, scié les barreaux avec un poireau.

Le Nouveau Détective Végétarien
édition du 12-06-2012

L’oignon fait la farce

La chasse à l’oignon nécessite un appât vivant (un oignon donc), à mettre sur une « tapette à oignon », appareillage traditionnel composé d’un hameçon, relié à une broche par un système de contrepoids. Les cris de l’appât que l’on aura fixé à l’hameçon attirent les oignons sauvages, qui par réflexe naturel viennent se mettre en rang derrière lui. Leur poids déclenche ensuite un embrochage pur et simple. La chasse à l’oignon est officiellement considérée comme du braconnage.