En plen, encara, dins la furia « Pokémon GO« , me soi avisat que los noms d’aquelas bestiòtas èran clafits de jòcs, de mots-valisas, de referéncias a la pop-culture coma a un foclòr mai o mens loganh. Me soi doncas amusat a lor cercar e a lor trobar de noms en occitan e a ne far un postèr, de bon estampar o trasmetre (picatz per o veire en bèl). Fasetz virar a vòstres calandrons, mai als adultes. Jòc suplementari pels valents : tornar trobar l’etimologia en fonccion del nom que donèri !
Bona idèia ! Aquí es una accion concreta per socializar la linga au près daus mai joines ! Mas esistís ‘na version en òc que se pòt vertadeirament joar ambé los noms en occitan o s’agís màs d’un postèr ?
Bona contunha !
Quo es nonmàs un postèr, evidentament, e malurosament, traduire un juec entau damanda mai de temps, e subretot mai de relacions, alara qu’es desjà pas revirat dins totas las lengas principalas dau monde. Per contra ai daus amics que, aura, tòrnen chafrar chasque Pokemon de lur nom en occitan. Laisse l’ideia ‘qui, me sembla bone e lo juec zo permet, mai que mai !